Oté

« I amontr pa in vyé sinz pou fé la grimas ! » - In kozman pou la rout

Justin / 12 out 2015

Demoun i pans in sinz sé in zanimal grimasyé é biensir in vyé sinz sé in roi d’grimasyé, donk in profésèr dann l’ar pou fé la grimas. Alor, kisa i sava aprann in vyé sinz pou fé la grimas ? Kisa i sa fé lo profésèr pou in profésèr ? Pèrsone bien antandi. Sa sé sans prop…

Sans figiré astèr : lo vyé sinz sé in moun madré é lé dir tronp ali, lé dir manipil ali, pars sa sé in n’afèr na poin pèrsone lé kapab dépas ali. Donk ésèy pa fé pran ali po d’shanm pou pla kouvèr, makaroni pou la bouji. Inposib mi di azot, karéman inposib !

Kosa zot i anpans zot mèm ? Arien ditou ? Alé, fé travay z’ot koko ! Fé bouy z’ot matyèr griz ! Zot va oir ké rant-rant ni pé z’ète tazantan dakor rantre nou.


Kanalreunion.com