Oté

« I diskite pa avèk in kouyon, i donn ali rézon » – in kozman pou la rout

Justin / 14 novanm 2015

Si ou i diskite avèk in moun sé pou fé valoir out poinn-vizé, mé si ou i koné par avans na poin arien pou fé pou amenn lo moun a z’ète dakor avèk ou, i vo myé ou i arète. Pars in bon kouyon, sé in moun la tète lé plin avèk in shaplé la kouyonis é sé in moun i pans toultan li na rézon. Lasyans ? Sa i konsèrn pa li. L’aktyalité ? li an sousyé mèm pa. Donk di ali li na rézon, va évite aou gaspiy out saliv, épi li sar bandé k’i diskite pa avèk li. Kosa zot i anpans ? Arien ditou ? fé travay z’ot koko ! Fé bouy z’ot matyèr griz ! zot va oir ké, rant-rant, ni pé èz’ète, tazantan dakor rantre nou.


Kanalreunion.com