Oté

« I donn in pyé, i pran in karo ! » - In kozman pou la rout

Justin / 14 out 2015

Sa sé in kozman agrikol. Konbien foi moin la antann in n’afèr konmsa : lo propriyétèr i di son zoinalyé : « Ral in pyé maniok pou ou ! ». Olèrk ral inn, lo ga i aral troi kat é si lo propriétèr i di pa arien : « parti sé parti ! ».

Mé si li di kékshoz, lo ga va pans lo blan lé pirate, sirtou si inn dé manioc lé kosto konm mon pti doi. Astèr lo sans figiré : i fo a égzazéré, kontant èk sak la donn a ou, i fo pa abizé.

Kosa zot i anpans de sa ? Arien ditou ? Fé travay z’ot tèt ! Fé bouy z’ot matyèr griz ! Zot va oir ké rant-rant ni pé tonm, kékfoi dakor rantre nou !


Kanalreunion.com