Oté

« I donn pa kou d’pyé dann son marmite do ri » – In kozman pou la rout

Justin / 8 désanm 2015

Kozman-la lé vré pou vréman : I vé dir i fo pa alé kont son z’intéré. Koué d’myé ksa ! Koué d’pli valab ké sa ! Poitan alon kalkil in kou ! Lé vré i fo ou i sava dann sans out z’intré, mé a tou pri ? La moin lé blizé poz amoin késtyon. Si i réspèk bann bon prinsip, oui ! Si i sava pa dann sans bann bon prinsip, la na in problèm. Arzout èk sa si i réspèk pa out dignité, l’èr-la I fo ou I bès la tète ? Moin la fine gingn lo kou dan la vi mé ziska zordi mi pans konmsa é pa otroman. Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! zot va oir ké, rant-rant, ni pé z’ète, tazantan, dakor rantre nou.


Kanalreunion.com