Oté

I fo mète zèf poul avèk zèf poul, zèf kanar avèk zèf kanar...

Komzan pou la rout

Justin / 9 zwin 2016

Majine in kou k’I mélanj zèf kanar avèk zèf poul koman ni artrouv anou apré. Figir azot, kan moin lété marmaye dann l’ékol Boi d’Nèf, in l’instititris la mète in pti l’afish, dosi té marké : inn plas pou shak shoz é shaj shoz a son plas. Ala in bon fason mète sé afèr an ord é sirtou pa pèrd san-sète –an pou rode in kékshoz. Zordi mi kalkil, si moin l’avé bien ékout lo konsèy ébin moin noré konomiz lo tan dann mon vi. Alor mète zèf poul avèk zèf poul é mète zèf kanar avèk zèf kanara la in n’afèr k’i bote amoin pou vréman. Mi koné pa kosa zot i anpans de sa, mé moin, sa lé bon pou moin. Ni artrouv pli dvan.


Kanalreunion.com