Oté

« I ral pa moush avèk vinèg ! »- In kozman pou la rout

Justin / 15 zwiyé 2015

Sans prop : lé vré pou vréman pars vinèg I tiliz sa pou fé alé bann moush… Mèm si I marsh pa plisk’I fo.

Sans figiré : si ou i afront demoun, moin lé pliské sir ou i fé kour azot, plito ké fé rasanblé. Dizon la pa in bon éstratézi d’rasanbloman. Sa lé vré osi dann manajmann travay : si ou i vé k’lo moun i travay bien, dabor i fo z’ot i gingn z’ot soso dann travay, épi zot na l’inprésyon zot lé rokoni pou z’ot valèr.

Kosa zot i anpans de sa zot ? Arien ! Arien ditou ! Fé travay z’ot koko ! Fé bouy z ‘ot matyèr griz ! Zot va oir ké, rant-rant, ni pé z’ète tazantan dakor rantre nou.


Kanalreunion.com