Oté

« I ral pa moush avèk vinèg » – In kozman pou la rout

Justin / 9 novanm 2015

Sa in kozman mi antann épi mi tiliz souvan dopi k’in bonpé kréol i trouv sé in n’afèr bien kan ou nana mové karaktèr. Moin na konm an l’idé dann tan lontan lété pa parèy. Mé pétèt moin la fine obliyé. Touléka mové z’imèr, avèk mové kozman i marsh ansanm é mové kozman la pa lo méyèr manyèr fé konprann nout poinn vizé dsi in n’afèr. La pa non pli lo méyèr fason pou fé avans in moun dann shomin la konésans. Donk plito ké di in mové parol, i vo myé réspir in bon kou épi mète out motèr dann rézime plus, dann rézime pozitif. Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir, ké rant-rant, ni pé z’ète tazantan, dakor rantre nou.


Kanalreunion.com