Témoignages - Journal fondé le 5 mai 1944
par le Dr Raymond Vergès

Cliquez et soutenez la candidature des Chagossiens au Prix Nobel de la Paix

Lakey lo sit > Chroniques > Oté

« I vo myé ète tou sèl ké mal akonpagné ! »

In kozman pou la rout

vandrodi 9 séptanm 2016, sanm Justin

Sa ankor in kozman demoun i ème di, isi La Rényon. Sa sé in kozman k’i rovien toultan kan in moun i ariv tousèl dann in anparmi l’moun : kan i di ali « Bonzour tou sèl ! », li réponn par lo kozman nou la mète an-o la. Mé antansyon, si na in moun la fine pran inn-dé pékto é ka la lang i sava pli vite ké lo sèrvo, lé kapab ariv in diskisyon. A bon ! ou i vé dir moin l émal akonpagné ou la ? Pars shakinn rant nou nan in réprimansasyon lé antéré an nou, é in pti lèv tète i résisité ali san ké pèrsone i vien bou kontrolé… Sa sé lo tour é lé z’alantour mé ozis pou kosa nou kréol rényoné ni di sa ? Pétète nou la fé in mivé l’éspèryans é l’ariv anou d’ète mal akonpagné ? Pétète l’ariv in kékshoz in moun ni èm… Par ébzanp nout zanfan ? Pétète sinploman pars i fo touzour armète in n’afèr dsi kan i larg aou in kozman. Shakin I oi l’èr dsi son montr ! Tan-k’amoin, mi lès azot ganbèrzé (sa la pa kréol sa ?) é ni artrouv pli d’van.


Inn modékri, inn ti lavi, inn komantèr ?

signaler contenu


Facebook Twitter Linkedin Google plus