Oté

« In bonzour i korsh pa la boush »-in kozman pou la rout

Justin / 1er octobre 2015

Nout tout la fine antann lo kozman : « La politès lé né avan nou ». Dizon proverb moin la mark an-o la é sète mi sort marké, sé la mèm shoz… In manyèr pou dir san la politès, san sak bann vyé kréol i apèl l’onèt-té la poin d’bone vi an sosyété. Kan ou i ariv an parmi, ou i di bonzour. Lo moun i réponn aou bonzour é konmsa ou na out lésé-pasé pou rant dann ron. Kosa zot i anpans ? Arien ? Fé travay z’ot koko ! Fé bouy z’ot matyèr griz ! zot va oir ké rant-rant, ni pé z’ète, tazantan, dakor rantre nou. Bonzour z’ot tout !


Kanalreunion.com