Oté

« In nos avèk in ké d’mori. » – in kozman pou la rout

Témoignages.re / 27 octob 2015

Na in pé I di osi : fé in nos avèk in z’arète la mori. Z’arète osinonsa ké, mi pé dir azot na poin tro granshoz pou manzé la-dan. Bien sir na poin do koi pou fé in nos. Si ni pran lo sans prop na poin arien pou dir la-dsi. Mé si I pran lo sans figiré, sa I vé dir fé in gran problem avèk kékshoz I mérite pa. Mé zot i koné lo péi koman i lé ! Zot i koné koman lo moun I réazi bètman. Moin pèrsonèl, mi viv avèk sa tou lé zour ké Bondyé I donn é mi pé dir azot : sa I fé ch.. ak foi la mèm shoz.

Kosa zot i anpans zot ? Arien ditou ? Fé travay z’ot koko ! Fé bouy z’ot matyèr griz ! Zot va oir ké, rant-rant, ni pé z’ète tazantan, dakor, rantre nou .


Kanalreunion.com