Oté

« In shien san ké i pé pa amontr li lé kontan »

In kozman pou la rout

Justin / 13 zwin 2016

Zot I koné pars toulmoun I di kan in shien lé kontan li bouj la ké. Forsé, vi k’par rapor a nou, li la poin in langaj ké ni konpran é sé solman son batman ké k’I amontr anou son kontantman. Sans prop, sa ni koné mé lo sans figiré-sak ni pé aplik dann nout sosyété, Lé konpliké l’afèr mé ni pé sèy trouv in manyèr pou di sa. In légzanp : nana demoun lé, konm i di, éstravèrti é tout sak li rosan li obliz aou partaz avèk li, kisoi la kolèr, kisoi la zoi, kisoi son l’égzaltasyon ! Mé nana osi sak lé introvèrti é tout son afèr i spas par anndan é ou i gingn pa lir arien dsi son figir : sa boush i di pa arien, son rid lé fijé, rir li ariv pa, kriyé li kriy pa. L’èr-la ou i pé di sak moin la ékri an-o konm de koi. Lo shien san ké i amontr pa kan li lé kontan… Alé ! Ni artrouv pli loin mèm si zot i partaz pa mon poinn vizé...


Kanalreunion.com