Oté

« In zèf I dans pa èk in rosh ! »

In kozman pou la rout

Justin / 19 zwiyé 2016

Sa sé in proverb l’afrik. Di pa moin sirtou ké li vo pa arien ! Di pa moin, ankor ké li nana arien a voir avèk la sazés ! Kass in pé z’ot koko la dsi é zot va oir sa sé in n’afèr valab toul bon. Bien sir zot lé riskab dir amoin in zèf i dans pa é in rosh non pli ? Mé kan i dans inn avèk l’ot-si i dans - k’inn lé dir é l’ot lé frazil, kosa k’lé kapab éspasé ? Sak lé dir i kass sak lé frazil.. Toudinkou, mi pans in n’afèr. Kosa ? Mi pans po d’fèr kont po d’tèr ! Ni pé dir sé la mèm shoz. Tank’a lo dansé sé solman pou fèr in pé lo malisyé é pèrmète demoun rant sa dsi z’ot disk dir ! Alé ! Ni rtrouv pli d’van !


Kanalreunion.com