Oté

« K’ i bate di bèr, lish son doi ! » - In kozman pou la rout

Justin / 17 zwin 2015

Sa in zistoir véki. Marmay, moin té i sar la boutik. In zour, l’avé in tab avèk kat zouar kart. Sanm pou moin na inn té i trish é li té i gingn la plipar d’tan. Momandoné in n’ot la di : « Si i kontinyé mi zoué pi ! ». Lo trishèr la répon sak lé marké an-o la. Pou li té normal trishé !

Mé kosa i éspas zordi dann la bone sosyété ? Kosa i éspas dann désèrtin marshé piblik ? I paré, dann désèrtin ka, la pa tout lo larzan i sava l’androi li dovré alé. Donk ni ar-rovien èk nout kozman, moin la mark an-o la : « K’i bate di bèr, lish son doi ! ».

Kosa zot i anpans ? Arien ditou ? Fé travay zot koko, fé bouy z ‘ot matyèr griz, zot va oir si rant-rant ni tonm pa tazantan dakor rantre nou.


Kanalreunion.com