Oté

« Kan i koz avèk sosis, boukané i rès pandiyé »

In kozman pou la rout

Justin / 16 avril 2016

So kou isi manzé i rant an sène. Ala ké dann proverb-la I anparl sosis épi boukané é sa sé in kozman mi aprésyé pars pou moin sa in règ dé l’onèkté : ala koman ou I fé kan ou lé poli pou vréman. Kékshoz I rogard pa ou, la pa bézoin ou I maye anndan. La pa bézoin ou I rant dann in konvèrsasyon I konsèrn pa ou. Z’afèr sosis sé z’afèr sosis, z’afèr boukané sé z’afèr boukané. Z’afèr Pyèr sé z’afèr Pyèr, z’afèr Pol sé z’afèr Pol. I di pa :”Mète pa out kuiyèr sal dann kari I kui pa pou ou” ?… sof ké défoi i fo ète solidèr : mi pans zot i konpran amoin. Mi koné pa kosa zot I anpans mé moin sé konmsa ké mi oi lé shoz.


Kanalreunion.com