Oté

« Kan la plui i tonm, Li tonm pou toulmoun »

In kozman pou la rout

Justin / 19 mé 2016

Ala in kozman mi èm pa pars la plipar d’tan sa I vé dir ou I lès lé z’ot pran lo risk épi bénéfisyé lo rézilta, konm par ébzanp dann in grèv, sansa dann in manifèrstasyon. Konbien foi moin la antann in pé apré di : « Si i gingn la goumantasyon, moin osi va gagné ! Alor, pou fèr mi sava pèrd mon zourné ? ».

Nitil dir azot sa sé in kozman mi aprésyé moiyènman pars lé démoralizan oir out kamarad lèv travaye kan na in mo d’ord la grèv. Pou arzout èk sa, mi pans sa in kou d’kouto dann la solidarité alé oir la solidarité sa in bon prinsip sirtou pou inn bone koz. Somanké moin l’apré fé klonm zan-batis fé la prèsh dann dézèr. Pétète mi féla prèsh pou lo konvinki. Ni rotrouv !


Kanalreunion.com