Oté

« Kan la rivyèr i koul, li amenn dolo mé li amenn la bou galman ! »-in kozman pou la rout

Justin / 30 mars 2015

Lé ga moin la kass ma tète pou sèy konprann so patoi-la épi mi pans an avoir trouv lo sans.
Dolo ? Sa toulmoun i trouv lé nésésèr é pèrsone i souplègn, mé la bou ? Pou in pé, sa i sali, sa i amenn mové lodèr, la malpropté. Ni pé diskité mé lé konmsa dann la tète in bonpé.

Sa i vé dir, dann kékshoz nana in bon mé nana osi in mové koté. Bann fransé i di, dann in mal nana in bien, é bann kréol i di lo kozman moin la di an o la. Lé vré, shak shoz lé konmsa, é a bien rogardé lé difisil trouv in n’afèr lé bon san pour san ou sinonsa mové san pour san : sak i fo rodé sé sak i fé plis do bien ké do mal.

Kosa zot i anpans zot ? Arien ! Fé travay zot koko, fé bouy zot matyèr griz é zot va oir ké dé foi, rant-rant ni pé ète dakor rantre nou.


Kanalreunion.com