« Kan na pou dé, na pou troi »

Sa in kozman mi èm pars sa i vé dir « la solidarité » é anplis-ké sa la solidarité dann la nouritir. Pars, boudikont, ni kour, ni vir, nishanz soi-dizan mé na in késtyon lé touzour-la : « kosa mi manz zordi ? »… Mi pé rakont azot inzistoir vré : kan moin lété marmay l’ékol, ma momon lété la diréktris é kant in marmay té vien blèm, téi done in vèr lo dsèl épi in boushé manzé -konmsa lo zanfan té i ropran son klas.

Pou kosa mi di sa ? Pars, pou nou kréol ède son proshin dann manzé sa ssé in n’afèr i fo fèr. Lo ri i kont pa o grin ! Zariko non pli ! L’èr-la mi pans zot i konpran èd in moun, késtyonn manzé, sa lé bien. Sé konmsa k’i fo viv : yèr, zordi, domina la in tradisyon i f opa kass la kord ansanm. Ni rotrouv !