Oté

« Kanar batar, kanar vantar ! » - In kozman pou la rout

Justin / 1 zwiyé 2015

Sa na dé sans sa ! Konm près tout kozman la Rényon ! Dabor inn k’i aparé tout suit, épi l’ot i aparé kan ou i roda li. Sans prop : in kanar batar, sa lé bon a manjé. Pli bon k’in kanar maskarin ou sinonsa in kanar mani. Donk li lé vantar, ou sansa vanté si zot i vé.

Astèr in kanar batar, sa sé in kroizman, in métis épi pou désèrtin moun, bann métis lé orgéyé. Touléka bann blan i trouv bann métis lé orgéyé… vantar si zot i vé. Konmsi zot la pèr i konkirans sanm zot épi zot i pèrd.

Kosa zot i anpans zot ? Arien ditou ? Fé travay z’ot koko ! Fé bouy z’ot matyèr griz ! Zot va oir ké rant-rant, ni tonm tazantan dakor rantre nou.


Kanalreunion.com