Oté

« Kanon banbou »

In kozman pou la rout

Justin / 9 févrié 2016

In vré kanon lé fé an l’asyé, li lans bann z’obi é d’apré sak I oi dann télé, é d’apré sak ni koné sa I fé bèl-bèl déga pa solman an parmi bann solda mé galman dann la popilasyon. Kanon banbou la pa in vré kanon : li pé lans dé shoz, mé pa bann z’obi konm ni koné koméla… Sof si i tiliz lo boi d’banbou in bon fason, pars avèk banbou i gingn fé dé shoz tré dir mé siouplé pa pou fé kanon bien antandi…

Donk nout provèrb sé in vré kasaz lé kui, sé pou dir sé in arm k’i ansèrv de rien, mé sa lé pa valab arienk pou lé z’arm, mé pou tout téknik, tout métod, tout prozé lé pa éfikas ditou.

Kosa zot i anpans ? Arien ditou ? Fé travay z’ot kok ! Fé bouy z’ot matyèr griz ! Zot va oir ké, rant-rant, ni pé z’ète, tazantan, d’akor, rantre nou.


Kanalreunion.com