Oté

« Kas l’anbordir »- in zour, in kozman.

Justin / 23 zwiyé 2015

Moi la vi in grap marmay apré kass l’anbordir. Sa i pé vouloir dir : apré plézanté, kas lé kui mé zoiyèzman. Sa na in n’ot sans ankor sékoz avèk in moun pou fé l’akostaz – in pé va dir sé pou fèr lakour. Solman alé saoir pou kosa sa i vé di rosi kan ou lé dann difikilté : ou fo ! Sa in l’anbordir pou fé in n’afèr konmsa.

Ousa mo la isort ? Koman li l’ariv konmsa. Mi koné pa é dann liv moin la rogardé na poin l’ésplikasyon pou vréman. Mi domann amoin si sa na inbrapor avèk « en bordure » mé mi koné pa vréman. Moin n’oré konm l’inprésyon sa sé in mo k’i sort dann vyé fransé mé moin lé pa sir. San fèr d’manyèr, mi di azot, n’artrouvé pars « mète l’anbordur » sé galman « fèr dé manyèr ».


Kanalreunion.com