Oté

Ki sa la konu BUMIDOM ou la antandu parléd sa ?

Témoignages.re / 31 désanm 2013

Oté Rfo 1ére par lintèrmédièr kanal 0 la prézant in déba avan ier swar an diplex ek lestasyion RFO Martinik, Gwadloup, la Rényon si lo Bu.mi.dom, a sa té kant minm intérésan rogardé é ékouté !
Déza mikro trotoir i dmand bann zinn an Gwadloup (mé noré té lo minm répons dan lé zot plas) si zot la antandi parlé ? Plipar i koné pa sé koué…

Buro po lé Migrasyon a partir dé Départman d’OutreMèr… i anlèv bann zinn fi, bann zinn garson, ant 20 é 30 tan a pé pré dépi lé départman doutremèr po alé travay an Frans ; sa i komans ver 1963 kan Debré nasyonal i viin sov a nou kréol la Rényon pars i trouv pi travay po nout zenès o péi é i mank la mindèvr laba.

Mi trouv lo déba té asé ouver, té i done la parol in pé tout fason d pansé.
A moin sak moin la émé sé antann mon bann frèr antiyé, ékrivin, aktèr kiltirél, sosiolog ou antropolog, zonm politik kozé konm Aimé Césaire.
Sé vréman avèk lo kèr, lé trip ; out san i fé in tour ; out larmdézié i vé koulé, ti esui ék ton min po giny kontinié ogardé.
Sak la réisi tan mié po zot, mé a kel pri, la di lo gwadloupéin la ékri lo roman « Kolonbi » -promié foi moin la vi in rapor avek Kristof Kolon-
Substitusyon : la anlèv zinn Martiniké dann biro dan zot péi po mèt bann métropolitin a la plas ! (Aimé Césaire)

Na zéropéins é lé sovaz ! « le sauvage t’emmerde ! ». Esklavaz modern ; la dame la roprézant la Rényon la di : el i kit isi secrétèr, el i travay dan biro ; él i ariv laba i di a él fé fame ménaz ! I dor ek son troi zanfan si matla a tèr ! Mé laba i fé fré… kondisyon pa lé minm ditou !
BUMIDOM, amontr sa nout marmay lékol !

Justin


Kanalreunion.com