Oté

« Koméraz i fé gate ménaz ! » - In kozman pou la rout

Justin / 18 novanm 2015

Zot i koné kréol i èm fé la-di la-fé. I èm rakont dé shoz mèm si nou lé pa sir ke lé vré. L’anvi rakont dé shoz, sa in afèr demoun i èm an zénéral kansréti pou amontr zot i koné pliské lé z’ot dsi tout z’afèr-konm di lo kont : dé foi la lang i grat !. Mésyé zé-sé-tout é madam Zé-sé-tout sa i mank pa. In pti médizans la zamé tyé pèrsone.. Sa lé a voir ! si zot i sava dsi fé divèr zot va romark in pti kozman i pé fé bonpé déga. Sirtou dann in ménaz/ in ménaz, sa lé touzour an l’ékilib instab, é pou in oui, pou in non, lé riskab kapoté. Nout kozman pou la rout sé in l’invitasyon s’an pass koz initil.


Kanalreunion.com