Oté

« Konm lo dsi fèy sonj ! »

In Kozman pou la rout

Justin / 7 mars 2016

Kèl l’éfé sa i fé aou ? Konm lo dsi fèy sonj ! Zot i koné fèy sonj é zot i koné dolo i mouye pa li. Zis in bann pèrl transparan k’i koul o-t’an-ba. Sa la touzour bote amoin in n’afèr konmsa ! Pars kan la plui la fini, lo fèy lé sèk par raport son luil I kouv ali, kon in vèrni si zot I vé. Astèr dan la vi kansa i ansèrv in provèrb konmsa ? I ansèrv pou dir in mové kozman, sansa in l’akizasyon, i toush pa ou ditou. Romark aou bien lé myé konmsa pars apré i ariv, dispite, kanikrosh, ou i sort pa prop dédan. Konm i di : « i diskite pa èk in kouyon, i done ali rézon ». Mi koné pa kosa zot i anpans, mé moin, konm lo dsi fèt sonj, sa sé mon prinsip filozofik.


Kanalreunion.com