Oté

« Kouri é grat son talon an mèm tan, sa lé pa bon ! »

In kozman pou la rout

Justin / 2 zwiyé 2016

Ala in kozman i bote amoin pou vréman. Pou koué ? Pars i fo pa fé dé zès i kol pa inn avèk l’ot an mèm tan. Mi koné in ga la pédal vélo épi la vis lo zorèy la rou an mèm tan, ébin li la kass son figir. Na bokou d’ka dan la vi kan i fé dé zès i marsh pa ansanm ou lé fouti. Mi èm bien pars sa i vé dir aou roganiz bien out bann z’aksyon si ou i vé réisi out tik-tak. Dan la bib i di pa : i pé pa ador dé mètr an mèm tan, bondyé épi l’arzan ? Alors, alé ! Ni artrouv pli d’van.


Kanalreunion.com