Oté

L’ékours kont la ont

Témoignages.re / 21 zwiyé 2015

Auteurs : Marsaud, Bohringer
Compositeurs : Maalouf
Editeurs : Anouche Productions, Sony Atv Music Publishing
Traduction : Georges Gauvin

Oté Tonton, ou la fine gard déor ?
Dsi l’avnir nout bann zanfan la plui i tonm plizanpli for !
Kan mi majine azot s’pandan, moin nora èm shant in n’ot rangène,
Pars moin na pi konfyans dann lo sistèm, li fé zanfan mé i lès azot bordaz shomin,
Li obli si li égzis sé pou ansèrv lo bann z’imin,
Ni avans tèt an bas san inkyèt pou lo rézilta, Sistèm-la i mète bann zanfan an ta épi i gard azot apré krèv la faim
Tonton nou lé dann bon koté, mé sak ni oi ni pé pa ronyé, Nou la grandi an parmi sak lo sistèm la fine obliyé, Ni viv dsi lo mèm tèr, mé nout finn moi na poin pou tout lo mèm l’odèr,
épi shak ané, i antan in pé plis lo brui tout sak l’apré krèv la fain, lo sistèm la désid na poin la plas pou tout demoun Tonton, Tonton ou i antan pa bann kri déor, sé bien nout domin k’i grongn,
lo sistèm la rotourn dsi bann moun, pèrdi dann son bann z’anbisyon,
L’égalité lé dann shantyé mé nana si tèlman bann dévyasion

Oté tonton,.. Koman i fé la ? Di amoin Tonton, koman i fé la ?
Ou i pans domoun la domann in n’afèr konmsa épi ké zot i artrouv azot dann z’ot rol, La,
Ousa i lé mashine la fine anbalé é nou la fine pèrd kontrol ?
Na ankor in moun par la k’i désid ankor kék shoz ? Pou kosa nout pyé nout poin tout lé amaré pou atann lo zafèr i ésploz.
Difisil pou rasir amoin Tonton, mi rodi aou an pasan ké l’om i vien par bann sinz pa par bann saz é sé l’om k’i rogard la moityé son bann frèr dann bra la mor,
Sé li k’i rash bann dèrnyé pyé d’boi é k’i pouri l’èr
Oplis i sava, oplis nana bann kazyé fonsé dsi l’éshikyé,
Domin na pi bokou d’sans dann so mond bann bankyé,
Bann la bours i komann anou mé sa la pa in bann shif an vré,
sé bann grafik i komann anou, é lo bann shif lé pa réèl,
sé bann grafik k’i komann anou,, sé in bann mastirbèr a grann léshèl.

Oté tonton ni sa fé koman, Ou i pé dir amoin ?
Konm i fo tout lé rantab, i sa privatiz lo l’èr k’ni réspir,
Sé in voi san isi,,. sé sak tout i démontr zordi,,
ni sava droit dann la défète
dann nout fé l’ékours kont la ont.

Oté Tonton, nou va fé koman.. Oté tonton, nou va fé koman ?
Di amoin tonton nou va fé koman.. Di amoin tonton nou va fé koman ?
Rant lo fromaz épi lo désèr la o dann z’ot diné,
di amoin si Lo moun la ote dsi la tèr la antann lo kri bann z’indigné,
Dann lo vizèr la soufrans nana plizanplis bann sib,
Pou l’avnir nout bann zanfan alon ésèy pa rès insansib

Mon pti figir l’amour, mon polo, mon grin pistash,,. Ni tienbo, ni larg pa,,. nou rogard déyèr pou pa obli ar rien,
Ni bann zyé blé, ni bann rogar noir,
ni pèrd ar pa arien sansa pétète in pé mé sak na dovan lé si tèlman gran
Mon pti figir l’amour, mon polo, mon grin pistash,
Ou na bien lo tan pou lo shagrin étèrnèl,
si zot i vé pa ar fé in nouvo mond nou va mète anou o boulo
Avèk l’itopi épi lo kouraz

I fo ni mète bann révèy a l’èr, i fo dir azot nou la poin lo mèm tik-tak ; la n’ot lé plito par koté nout kèr.
Asé avèk lo kont a robour dann vid, avèk arien dodan,
Mon pti gèl d’amour, mon polo, mon grin pistash, mon pti moun syèl blé, nana dé zour mi gingn pa fé rien pou toué,
La kouyonis moin la fine fèr é lo shagrin i lès in tras i éfas pa
I mank pa bokou pou pi ète in éro, mi jur aou ti frèr i fo pèz dsi lo frin kan lé tan,
I fo shant l’amour ankor pli for, nora dé révolisyon ké ni vé pa, épi d’ot k’i pran lo tan pou arivé
Poitan lé irzan !
Ousa i lé la bank ? I fo mi mète in bonb dédan…in bonb pou tir lo mové l’odèr, in bonb pou tir lo mové l’odèr,
Lo larzan k’i débord.
Na poin la plas pou d’moun zantiy, pou bann bordé d’la vi,
Shé bann moun-la i èm pa, i kont.

Mon pti gèl l’amour, mon polo, mon grin pistash,
Mon pti frèr békali ! nou va rofé so mond-la
Pou sa Tonton i fo donn ali la min, Tonton li gingn pa fé arien
si toué mèm ti kroi pa
L’èr-la i fo ni gard anou, ni trouv ousa ni lé, san séparé,
Ni tienbo ni larg pa, i rès groupé,
Nana bann frèr, bann kouzine, bann kouzin, bann z’anfan bann voizine, bann voizin, nana bann zanfan pèrdi sak i transform an kaïd pou arien, bann zalimé i pran d’fé pou fé lo bann malin,
Nana bann mami k’i pa donn kou d’min, la pa aprann arien dann liv, mé k’i koné tout dsi la vi !
Afors pi kroir arien, sé la vi k’i pèrd l’éspoir,
I fo ou i èm pou ète émé,
I fo ou i done pou rosovoir,
Vien tèr-la dann la limyèr pti frèr, Ton vi lé konm gruyèr, mé pèrsone i di aou ou nana in ame lé bèl,
Mon pti gèl l’amour, mon polo, mon grin pistash,
Ni tienbo, ni larg pa
Nou va rogard déyèr pou pa obliyé…
Pou pa obliy arien.


Kanalreunion.com