Oté

« L’érèr i anil pa l’éfor ! »

In kozman pou la rout

Justin / 18 zwiyé 2016

Kosa i vé dir in kozman konmsa ? L’érèr sé kan ou i tronp. Ou i pé tronp shomin ! Ou i pé tronp manyèr pou travaye ! Ou i pé tronp dann out kalkil pou fé in n’afèr ! Mi pans toulmoun i pé z’ète dakor avèk moin. Kan ou la tronpé, ou i fors kant mèm pou fèr sak ou i kroi ou nana pou fé. Souvan dé foi i fatig aou plis ké si ou lé pa dan l’érèr. In zour in moun la di amoin : si ou i vis in pyès é si ou la pa bien anbéké, sar dir pou ou visé. Si ou la bien anbéké, l’èr-la ou lé dann lo tann. Si ou la tronpé, ou i fors mé oplis ou i fors oplis ou i fatig é anplis ké sa, la fatig i fane pa kan ou i romark ou la tronpé. Mi pans zot lé dakor avèk moin ! Alé, ni artrouv pli d’van !


Kanalreunion.com