Oté

« La bav shoval zandarm la zamé koul dsi mon tèt ! »

In kozman pou la rout

Justin / 4 octob 2016

Biensir koméla shoval zandarm lé rar konm korn lapin. Donk kozman-la, i ansèrv pi tro souvan. Mi pans mèm li va tonm dan l’oubli sof si domin i mète zandarm a shoval pou arète bann mal-fézan. I koné zamé domin ! Donk kan zandarm téi arète demoun, té i mar azot avèk la kord é i fé marsh azot par dovan. Si tèlman ké l’ékime-la bav si zot i vé-téi tonm dann la tèt la pèrsone arété. Si mi di in kozman konm sak lé marké an-o la, mi vé dir, moin sé in moun onète ! Moin la pa volèr, moin la pa voiyou, moin la pa in mal fézan ! I pé fèr amoin konfyans ! Moin sé l’onèkté an pèrsone. Alé ! Ni artrouv pli d’van sipétadyé.


Kanalreunion.com