Oté

« La boush kabri » - In kozman pou la rout

Justin / 13 zanvié 2016

I di tazantan « l’amar la boush » solman mèm si i di pa la boush kabri final de kont sa sé lo mèm shoz k’i vé dir. Mé akoz la boush kabri ? Kabri i port plis la shyas k’in n’ot zanimo ? Mi koné désèrtin désandan malgash i manz pa kabri, mèm la pèr marsh dsi la taye kabri pars pou zot sa i fé gingn azot mal kadik. Moin yab rikoni dovan bondyé, mi rapèl dann mon kartyé l’avé près poin kabri. L’avé près poin malbar pir ras non pli - mi rapèl mèm pa si l’avé dann mon klas, avan moin la rant sizyèm, in marmay téi port in nom malbar. Sé pa si la-dan la poin in réstann rasis, i fé port lo rol portèr d’shyas dsi lo kabri. Mi vann sa konm moin l’ashté !

Kosa zot i anpans ? Arien ditou, fé travay z’ot koko ! fé bouy z’ot matyèr griz ! Zot va oir, ké, rant-rant, ni pé z’ète, tazantan, dakor rantre nou.


Kanalreunion.com