Oté

« La boush lé bète ! »

In kozman pou la rout

Justin / 3 mars 2016

In pé i di osi « lo dan lé bète » mé par l’fète kosa sa i vé dir ? La boush i ansèrv in ta z’afèr : kisoi pou manjé, kisoi pou gélé mé i ansèrv osi pou ri é d’apré moin sé la k’i fo rode lo sans nout provèrb. Zot i koné na d’moun i gingn mèm la kriz pou rir. Zot i koné osi na d’moun i ri pou arien, pou dé shoz na poinn sans… Bergson in gran savan la mèm di : « lo rir sé lo prop de l’om » - zordi ni apèrsoi désèrtin z’animo i ri galman. Kisoi pou dé shoz bète kisoi pou dé shoz i sirpran anou ni ri-mèm in pé i kakaye an riyan. Pou l’fin mo, ni pé di lé pli proférab ri ké pléré é sa sé d’apré moin lo sans nout kozman zordi, pou la rout.


Kanalreunion.com