Lakey lo sit > Chroniques > Oté
« La i fé lèv lo mor la ! » - kozman pou la rout
vandrodi 27 févrié 2015, sanm
Sa in n’afèr, mi pans lé sinp. Dabor lé rar k’in mor i rolèv donk sa lé déza étonan, donk lé myé pou tienbo lo kozman dan la tète. Armète èk sa, lo mor, in trépasé, in trépasé dépasé, donk an prinsip i fo pa fé lèv ali. Mé dann kozman toulézour, la pa sa k’I vé dir : sa I vé dir I anparl zafèr dann tan Zézikri té I marsh katpat. An pliské sa, sé in manyèr pou éskivé si ou i vé pa anparlé…
Ala in n’afèr : si ou i di parti kominis la arfé lèv maloya : in moun pour va di oui, in moun kont va di, sa lé fini sa, zordi nou la fine alé pli d’van. Donk in fason éskiv lo sobatkoz. Kosa zot i pans ? Arien ditou ? Fé travay zot koko, fé bouy zot matyèr griz, zot va oir rant-rant si ni tonm pa dakor rantre nou. Fé roulé férèr !