Oté

« La klé lo syèl la pa d’or-é-d’arzan ! » – In kozman pou la rout

Justin / 19 désanm 2015

Kosa sa i vé dir ? Pou moin sa i vé dir konmsa shomin pou alé paradi lé pa konfortab. Mi souvien in zistoir té i di konmsa : kan ou lé mor, ou na lo shoi rant dé shomin, in bon é in mové. Si ou i pran lo bon, firamézir li vien mové... si oui pran lo mové, firamézir li vien bon. Donk ou na plis la shans alé dann syèl si ou i amenn in vi dir dsi la tèr. Ou n’a moins la shans arivé si ou i amenn la vi konm l’arivé an défalké. Mi vann pou la valèr, pars moin mèm moin na poin l’opinyon dsi in z’afèr konmsa. Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir, ké, rant-rant, ni pé z’ète, tazantan dakor rantre nou.


Kanalreunion.com