Oté

« La pa an santimète, i mézir la grandèr in moun ! » - In kozman pou la rout

Justin / 27 zwiyé 2015

Tout i tourn dsi la définisyon lo mo « grandèr ». Grandèr, sa i pé ète kalkilé an santimète biensir. In moun normal nana par la cent soisant dis santimète, dé foi plis, dé foi moins. Mé grandèr i pé ète osi la valèr d’in moun.

Si ni pran in ga konm Edmond Albius, ou sinonsa Raymond Vergès ou d’ot ankor, sa sé in bann moun nana in bon valèr é ni sa pa rogard konbien zot té i mézir dann tan zot lété ankor vivan avèk in mète. Nana gran-gran moun par la taye mé d’apré sak mi koné zot i vo pa arien. Mi sa pa nonm pèrsone, pars lé pa itil vèks demoun. Par kont nana pti moun sak nan in gran valèr.

Kosa zot i anpans zot ? Arien ditou ? Fé travay z’ot koko ! Fé bouy z’ot matyèr griz ! Zot va oir si rant-rant ni tonm pa tazantan dakor rantre nou.


Kanalreunion.com