Oté

« La pa bézoin alé la rivièr pou lav rosh ! »

In kozman pou la rout

Justin / 30 zwiyé 2016

Kan moin lété marmaye l’avé in shanté moin té i antann toultan. L’avé in kouplé la-dan téi di konmsa : « Madam amédé koné pa lavé, i sava la rivir pou savone galé ! ». Moin la domann amoin dann lotan kosa sa té i vé dir. Zordi kan mi kalkil bien, mi pans lété pa pou lavé k’èl té i sava la rivir, mé pou fé dé shoz initil konm kass la blag avèk bann komèr, ou pétète d’ot z’afèr ankor, zot i pé zot mèm maziné. Mi pans mon kozman i vé dir kékshoz sinp konm arète fé z’afèr initil é okip bien out tan pou fé dé shoz i vo la pène. Mi lès azot kass z’ot koko dsi kozman-la. Alé ! Ni artrouv pli d’van !


Kanalreunion.com