Témoignages - Journal fondé le 5 mai 1944
par le Dr Raymond Vergès

Cliquez et soutenez la candidature des Chagossiens au Prix Nobel de la Paix

Accueil > Chroniques > Oté

La shèz vid ?
Sa la pa ditou in bon politik sa !

jeudi 15 décembre 2011, par Justin

Matant Zélida la ékrir Justin :
Mon shèr nové, mon spès salté,
Koman zot shovy i gonf pou La Rényon don ? Pou koué zot i mazine, in grin la sab dan la mèr lé osi inportan ké sa don ? Alor, solon zot, bann rouj de fon, té i falé in moun pou roprézant La Rényon dann konférans Durban. Moin, pèrsonèl, mi oi pa lé shoz konmsa, vi k’la Frans i roprézant anou. Partou ousa na la Frans, nou lé la, é si nana in an-nuiman pou nou, la Mèr Patri lé la pou fé réspèk nout droi. Donk, si nout l’avnir lété ménasé, moin lé sir la Frans nora pran kont nout z’intéré ménasé ; Sa mi dout pa. Nou lé Fransé sansa nou lé pa ! Tok, pran sa pou toi !

Justin la fé pou répons :

Mon vyé matant k’i koz touzour la boush rouvèr,
Out révèy lé pi a-l’èr. Ou i koné pa, koméla, kan na in késtyon i intérès anou, nou na la kapasité d’èt roprézanté ; pa solman par lo gouvèrnman, mé par nou mèm, par nout prop délégasyon. Sé out ti prézidan la di sa lo sis novanm 2009, apré z’Éta-zénéro l’Outre-mèr. Sa lé dan la lojik la réjyonalizasyon. Lé bon pou nou, é lé bon osi pou tout bann zil konm nou, sak lé riskab an avoir in séryé dézagréman avèk l’éshofman klimatik. Mi sipoz nou lé pa égoïs ziska pa défann z’intéré nout bann dalon, konm ni doi défann la n’ot ?
Ala pou kosa La Rényon l’avé lo dovoir èt la, dann la konférans Durban. Mé i fo kroir, l’éspri kolonyal lé ankor dan la tèt in bonpé. Moin lé sir, nout bann voizin — té la zot ! — la pa konprann pou kosa nou lété pa la. La shèz vid ? Sa la pa in bon politik sa !

Justin


Un message, un commentaire ?

signaler contenu


Facebook Twitter Linkedin Google plus