Oté

« La shias i ariv a shoval, li arpar a pyé ! » - In kozman pou la rout

Justin / 24 out 2015

Konm dann in bonpé proverb nana in kontradiksyon rant lo bann promyé term épi lo bann dézyèm. In koté na “shoval” : sa I kour vite sa ! L’ot koté nana “a pyé” : sa I déplas dousman sa. Donk oi zot mèm kosa sa I vé dir : I vé dir la shias I poz dsi ou an vitès, mé pou li artir ali, li mète lo tan.

Ni pé trouv in bonpé l’ébzanp konmsa : ou pèrd out travay vite, é ou I rès dann shomaz pandan lontan. La maladi I fé ni inn ni dé pou tonm dsi ou, mé pou li alé I fo pou néna la pasyans.

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké rant-rant, ni pé z’ète tazantan dakor rantre nou.


Kanalreunion.com