Oté

« La shias na gro vant. »

In kozman pou la rout

Justin / 8 févrié 2016

Moin lé sir in bonpé kréol i koné kozman-la. Mé kosa li vé dir par l’fèt ?.. Kosa i vé dir « gro vant » : Gro vant sé kan in fam lé ansint, donk an voi d’famiy. L’èr-la, mi pans konm Daniel Honoré dann son liv « Somi-lo-mo », ké la shias i amenn la shias, la movèz shans i amènn la movèz shans… lo malèr i amenn d’ot malèr vi ké li lé an voi d’famiy d’in n’afèr konmsa. Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir, ké, rant-rant, ni pé z’ète, tazantan, dakor, rantre nou.


Kanalreunion.com