Oté

« Lé par dégré. » – In kozman pou la rout

Justin / 20 octob 2015

Zot i koné toulmoun lé pa parèy : in pé lé kontan toultan, in pé lé toultan rousté konm i di an ké d’bèf, épi na d’ot tazantan zot lé kontan, tazantan zot i lé an kolèr. Kréol i di zot lé par dogré, donk siklotimik konm bann fransé i di. Pou kosa d’moun lé konmsa ? Moin na poin la répons : sépa si in nyaz la vi, toudinkou i pass dann z’ot tète, sé-pa si zot sèrvèl lé tro gro épi i koins dann z’ot z’ot boit lo zo, sé-pa si zot nana bann bon épi bann mové pansé. Pétète sé in maladi, sansa in rès la mikrobi [1] ? Moin pèrsonèl, mi koné pa.

Zot i konpran sa zot ? Pa ditou ! Fé travay z’ot koko ! Fé bouy z’ot matyèr griz ! zot va oir ké rant-rant, ni pé z’ète, tazantan, dakor rantre nou.

[1In kozman tiré dann lo shanté dsi « Poliomélite »


Kanalreunion.com