Oté

« Li la lir mové liv ! » - in zour, in kozman

Justin / 27 out 2015

Mové liv, sé liv la maji. Kisa la pa antann parl de sa ? Pétète marmay na ankor do lé dann né, mé a par k’sa mi oi pa. Moin la touzour antann parl lo « pti t’Albert », lo « gran albert » mé san zamé an avoir vi in sèl paz.

Moin la antann dir si ou i lir sa ou lé riskab transform an zanimo. Touléka, mi koné sa i fé pèr marmay, konm la fanm san tète, konm loto rouz épi tout sort kozman konmsa. Mi souvien, inn ané, dann zournal Kotidien in bann la fé tout in z’afèr avèk sa : lo moun transformé an kok la vni par isi, la vni par la-ba, la rant dann la kour l’ékol. Boudikont i paré té in gob !

Kosa zot i anpans ? Arien di tou ? Bon, bin moin mi fèrm mon také é ni artrouv pli d’van.


Kanalreunion.com