Oté

« Li travaye la klé »

In kozman pou la rout

Justin / 10 févrié 2016

Sa in n’afèr i fé souvan isis La rényon, sirtou pou dmoun lé dann shomaz mé galman pou lé z’ot-kisoi samdi, kisoi dimansh, kisoi lo soir, kisoi rant lé z’èr. Ousa lo mo i sort ? Mi koné mèm pa. In zour moin la antann dir sé pars lo propriyétèr i lès lo klé épi kan lo moun lé fini li tak baro épi li sava - aprésa biensir li rann lo klé. Touléka, sak moin lé sir, travaye la klé sé travaye san déklaré. Arzout èk sa, konm i di, la klé i pèye tout-suit kan lo travaye la fini. Pou sak la poin pasyans sé in bon n’afèr ! Kosa zot i anpans ? Arien ditou ? Fé travaye z’ot koko ! Fé bouy z’ot matyèr griz ! Zot va oir ké rant-rant, ni pé z’ète, tazantan, d’akor rantre nou.


Kanalreunion.com