Oté

« Lo dyab i manz son manzé ! » - in kozman pou la rout

Justin / 20 mé 2015

Kan in moun lé mèg, mèg mèm, demoun i pans li lé malad. Kisoi lo vèr l’apré pik ali, kisoi lo vèr solitèr, kisoi la maladi d’somèy (moush tsé-tsé)… dé foi pli pir ké sa… Zot i koné, isi ni kroi tout sort kalité balivèrn nou, sirtou bann z’afèr ou i gingn pa vérifyé…

Ou i gingn pa vérifyé, mé i anpèsh pa ou kroir sa rède é fèrm, konmsi sé in vérité. Shak foi ké la médsine i trouv pa ousa i provien in maladi, ni pans lo sirnatirel. E dann lo sirnatirèl sak lé mové ni pans an promyé Grandyab la fote. Gran Dyab-la, sa i koné fé d’mové z’afèr. 

Donk si in boug, li pé pa pran in milimète la grès osinonsa lo misk ni di. « Lo dyab i manz son manzé ». Kosa zot i anpans ? Moin mi méfyé solman parraport lo maladi.


Kanalreunion.com