Oté

« Lo gob la dématé ! »-In zour, in kozman.

Justin / 4 out 2015

Kosa i lé in gob ? In gob sé in pyèz. Kosa I ansèrv pyèz-la ?

Si sé in pyèz pou zoizo, sé pou kol zoizo. Si sé in pyèz moustik, sé pou kol moustik. Pou désèrtin gob, si ou I vé li fonksyone I fo ou I arma ali. I fo ou i mate ali. Pou trap lo zoizo, i fo li sava kongn avèk lo sipor. Lo sipor i démate é lo pov zoizo lé pézé dsou.

Aprésa nana tout sort kalité gob. I pé an avoir gob pou trapo demoun. I pé mèm an avoir bann pyèz imatéryèl kan i maté in konplo kont ou. Kosa zot i anpans zot ? Moin pou mon par mi fèrm mon také é mi pans nou va rotrouvé. Arvopir, tak baro.


Kanalreunion.com