Oté

« Lo kèr la pa magazin » – In kozman pou la rout

Justin / 12 novanm 2015

Kosa i mète dann magzin ? in takon z’afèr. Rode pa koman lo bann z’afèr lé ranjé. Dé foi, I ariv mèm pa trouvé kékshoz ou la ramasé. Ou i koné sé in n’afèr ou nana, ou i koné li la pa si loin k’sa, mé ou ? Dizon in l’ékouasyon inposib. Ala pou lo magazin, mé lo kèr, kosa li vien fé la-dan ? Zistoman la pa in magazin é na poin moiyin mète in katité z’afèr d’dan sirtou kan sé dé z’afèr k’i fé mal. Ou i pé pa sharj out kèr avèk dé shoz dézagréab, san k’i fé déga dann ou. Antansyon kant mèm avèk lo strès : tro d’zafèr dézagréab é out kèr i mète a bate la berlock. Si ou i port pa antansyon lo kardyak i fé lèv aou. Kosa zot i anpans ? Arien ditou ? Fé travay z’ot koko ! fé bouy z’ot matyèr griz, zot va oir ké rant-rant, ni fini par tonm dakor rantre nou.


Kanalreunion.com