Oté

« Lo pti z’om d’afèr » – In kozman pou la rout

Justin / 26 désanm 2015

La plipar d’tan i artrou sa dann lof fraz « Li fé son pti z’om d’afèr ! » sinonsa « el i fé son pti fanm d’afèr ». Sa sé kan ou i fé l’inportan mé la pa in kritik pou vréman sé in kozman d’amityé. I di sa kan par ébzanp in marmay i s’an-mèl z’afèr gramoun, sansa kan in marmay i okip z’afèr la pa d’son l’az. Mé marmay koméla la fine shanjé, zot la fine désalé : zot i koné dé shoz ké nou té i koné pa kan nou l’avé mèm l’az. Lé bien sa, non ! Mé kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké, rant-rant, ni pé z’ète, tazantan, dakor rantre nou.


Kanalreunion.com