Oté

« Lo shien i aboye i pèrs pa la rou l’oto ! »

In kozman pou la rout

Justin / 24 out 2016

Konbien foi, ni oi, dann shomin tout sort bann shien kisoi alonzé konm in bann finyan, kisoi apré rode in n’afèr pou ranpli z’ot bouzaron. Si in l’oto i pass koté zot i fo antann azot aboyé, grogné, kriyé. I diré na in l’anvaïsèr dann sak z’ot i pans, sé z’ot domène. Na dé foi, zot i fé sanblan mord la rou, mé zot i mord pa pou vréman : la vi dann shomin la rann azot intélizan é zot i évite rod boubou pou z’ot kor ! Mé par l’fète, kosa kozman-la i vé dir an zénéral, pou nout sosyété ? Sa i vé dir nana in bonpé d’moun i kriye, mé na poin bonpé i révolt pou vréman kont in mond k’i méritré sa kan mèm la di. Alé ! ni artrouv pli d’van !


Kanalreunion.com