Oté

« Lo shien nana kat pat, la pa pou sa, li pran dé shomin an mèm tan ! »

In kozman pou la rout

Justin / 1 out 2016

Ala in drol de kozman ! Moin lé a d’mandé koman i fé pou konprann ali. Pars in kékshoz konmsa lé évidan, si tèlman ké li arsanm in blag. Solman, sanm pou moin I doi an avoir in sans partikilyé. Dizon in boug na dé loto, la pa pou sa ké li sar roul dan lé dé an mèm tan. Pou li fé konmsa i fo li tourn dann sirk konm akrobat ! Mé sa i doi an avoir in valèr pou la vi an sosyété : konm in konsèy pou dir aou la pa bézoin plis moiyin si avèk sak ou nana ou i gingn fé sak ou néna pou fé. Pars sépa si zot la romarké, mé la pa pars ou i goumant out moiyin ké ou i goumant out kapasité : momandoné out kapasité i goumant pi. In konsèy pou alé a l’ékonomi. Mi sava pa pli loin ké sa, mi lèss azot kass zot tète la-dsi. Alé ! Ni artouv pli d’van.


Kanalreunion.com