Oté

« Lo vèr i grosi dan la vyann pouri. »

In kozman pou la rout

Justin / 15 avril 2016

Sa in drol provèrb touléka.I parl « lo vèr » : sa la pa in n’afè roshèrché ! I parl « la vyann pouri » : sa non pli, la pa in kékshoz ni èm. Mé sirman sa i vé dir kékshoz é i fo ni démay sa po trouv lo sans. Sans prop ? La pa bézoin tro kalkilé. Sans figiré ? Ni pé pans lo vèr i roprézant in mové z’afèr, in mové défo dann nout sosyété. Sirtou si la sosyété lé dékonpozé é la pa plis la n’ot, ké sète in bon pé péi, mé lé shoz i tourn pa ron avèk bann krime, bann vyol, épi la koripsyon. Dizon in pé partou lé konm Sodome é Gomor. Donk alon oz in sans pou so kozman-la ! Ni pé dir oplis la sosyété i tourn pa ron, i dékonpoz, oplis son bann vis i goumant an kantité épi an grosèr, oplis li gangrène la sosyété. Ala koman mi oi sa.


Kanalreunion.com