Oté

« M’a koz de sa avèk mon shoval ! » - in zour, in kozman

Justin / 11 out 2015

Sa sé in foutan sansa mi koné pa kosa i lé. An prinsip in shoval i konpran pa kan ou i koz avèk li, sof inn-dé pti parol konm done di gaz ! Dousman-dousman ! Antansyon ! Zanti shoval ! Lé vré na in fime té i anparl : « l’om k’i koz dousman dann zorèy shoval », mé in fime sé in fime é dann lo ka ké mi di si in moun i di aou in kozman ou i vé pa tienbo kont ou i anvoy ali dingé an dizan : « M’a koz de sa avèk mon shoval ! ». Konm pou dir : « Shant ton kont, domin ta fète ! ». Sansa konm i di : « koz touzour ti m’intérès ! ». Kosa zot i anpans ? Arien ditou ? Moin pèrsonèl, mi fèrm mon také. Ni artrouv san tardé !


Kanalreunion.com