Oté

« Mantèr i vien volèr »

In kozman pou la rout

Justin / 13 avril 2016

In mantèr sé in mantèr : in moun i di pa la vérité ! In volèr sé in moun i kapar sak lé pa a-li. Lé posib ète volèr san ète mantèr ? Moin-mèm, sak moin lé sir sé k’in volèr li pé pa dir la vérité pars lé sir li fé trap ali. Donk in volèr lé forséman mantèr. Mé lo mantèr, sa sé in moun malonète vi k’li di pa la vérité mé pou kosa li di pa la vérité ? Pars li nana in bonpé rézon pou matir é pa forséman pars li volvé : li pé rakont dé shoz li la pa vi, li la pa fé, li donn a-li dé kalité ké li la poin. Mé sa i fors pa li vnir volèr ! Poitan sé sak lo provèrb i di. Alor, pou kosa I di in kozman konmsa ? Sirman pars na dé ka sa I ariv. Mé pa toultan rozman pars mantèr dsi la tèr bon-dyé sa sé in n’afèr k’I mank pa. Volèr osi, mé na moins kant mèm !


Kanalreunion.com