Oté

« Mantèr konm in rashèr d’dan ! » - In kozman pou la rout

Justin / 22 mé 2015

Kosa k’i lé in rashèr d’dan ? Sirman sa in dantis zot i vé dir. Sirman kozman-la lé éné, kan bann dantis té i fé mal z’ot pasyan…

Pars lo bann z’instriman té pa bien modèrn, pars médikalman pou andormi lété pa bien éfikas, pars lo dan mal soigné té i fatig bann zansiv épi san k’i toush lo dan té i fé déza mal é kan té i angaj lo rashaj ou bien i fé tourn la frèz, marmay lé bon pou kriy l’asasin… Lo dantis i di : « Inkyète pa, moin mi fé pa mal demoun. »

Alé oir doulèr i trap aou vèy pa koman. Ala pou kosa i di : « Mantèr konm in rashèr d’dan ! ».


Kanalreunion.com