Oté

« Manz a l’odèr ! » - In kozman pou la rout

Justin / 2 novanm 2015

Mi souvien, na in bon koup de tan, moin la lir dann in vyé liv léktir, l’istoir in voiyazèr. Li rant dann in l’obèrj, li trap son morso d’pin épi li manz dann l’éspès wapèr k’i dégaj kan i fé kui roti. Aprésa li lèv pou li alé, mé lo l’obèrzis i souk ali par kolé épi i di ali pèy ankor pars ou la manz out bout de-pin dann la fimé mon roti apré kui. Lo boug i di li lé dakor, li trap in pyès l’arzan épi li fé sonn sa dsi kontoir. Apré li di lo boug, pèy aou avèk lo son mon pyèr l’arzan. Sa sé in zistoir pou fé ri la boush, sinploman pou ésplik kosa sé manz a l’odèr. Dé foi sa i fé pa rir ditou, konm kan ou i pass out ri dann in vyé pti pé d’réstann kari.

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké, rant-rant, ni pé z’ète, tazantan, dakor rantre nou.


Kanalreunion.com